上年睇小豆子媽介紹依個泳灘，覺得都算近，好想去，奈何緊張大師的一仔爸話搭快艇 ~ 依類不是密封式的船，怕會對一仔有危險，估唔到今年一仔爸肯去了，而且係臨時決定，害一仔媽執漏依樣果樣，出發時落緊大雨，好彩去到西貢碼頭係晴天。
搭小豆子媽介紹的貓記，依然大人$30，小童身高一米以下免費。
售票阿嬸問我地打算幾點鐘回程，原來無fix搭船時間表。
去程坐依款小船，又幾好，比到"安全感“一仔爸，頭站到橋咀島落客先，跟住就係半月灣，上船時忘了睇時間，估大約搭了10分鐘左右。
個沙灘不大，好彩泳客亦不多，我地租了兩個locker 及 把大傘，一仔今年好快就肯落水了。
件泳衣上年係淘寶買，當時買大了，今年仍穿到。
一仔玩得好開心，唔想走添，但我地要返"市區"食晏，一仔原來玩到好攰，回程時係坐快艇，5分鐘左右就返到西貢，一仔居然係船上瞓了。
之后去街，一仔都話要去游水!
哇, 要坐大飛入去, 好唔方便咁, 不過最重要一仔玩得開心
回覆刪除好方便架，一比完$，就可上船，當比小朋友遊船河！
刪除好方便的，水清沙幼，我都當遊船河架！係沖身設施少啲
刪除玩得好開心, 係一次好好既體驗, 哈, 古唔到同我仔仔件泳裝pattern 一樣, 其實佢地連反學鞋都一樣, 大家既品味都係咁good, 係呢一仔近排講說話進度點呀? 我仔仔剛剛都見了治療師了.
回覆刪除識講聽過的句子如媽媽坐低、媽媽過來，多數bb話夾生字。
刪除你仔仔係見言語治療師嗎？
係呀, 希望可以學講多D句子, 佢都仲係好多BB話夾生字.
刪除是私人嗎？
刪除一仔剛排到兼收位，但我turn down了，現改排e位中!
齋睇相都覺得一仔玩得好開心 HAPPY ~
回覆刪除開心到，令一仔爸肯再去，Yeah!
刪除我好細個時去過一次已經覺得好難忘, 沙灘真係好正!
回覆刪除相信一仔同你一樣覺得好難忘，所以依排成日話去游水！
刪除一仔玩得好開心呀，你地玩得開心就好了
回覆刪除剛決定今個星期日再去早場，唔知到時會否見到你地呢？
刪除